Түпқарағанмен тұрақты байланыс

Кездесу барысында ҚР Президентінің кезектен тыс сайлауына дайындық, сондай-ақ мұнайшылардың сайлау процесіне қатысу мәселелері талқыланды.

Сонымен қатар, әлеуметтік және білім беру салалары бойынша екіжақты ынтымақтастық мәселелері қаралды. Атап айтсақ, елді мекенде жаңа спорт алаңын салу, Қаражанбас кен орны базасында тәжірибеге бағытталған оқыту бағдарламасына аудан студенттерін тарту және тағы өзге де бірқатар бастамалар бар.

Компания басшылығы Қаражанбас кен орнының географиялық орналасуын (Түпқараған ауданы) ескере отырып, әлеуметтік жобаларға көп көңіл бөледі және жергілікті атқарушы билікпен үнемі тығыз әрі белсенді жұмыс жүргізіп келеді. Әңгімелесу барысында аудан әкімі Қаражанбасмұнаймен ынтымақтастық өнімділігін және оның ауданның дамуындағы рөлін ерекше атап өтті.